Green Chicken Curry

हिरवे चिकन -

हे एक अत्यंत रुचकर आणि फार जास्त घटक ना टाकता करण्यासारखे अप्रतिम व्यंजन आहे.

माझ्या मम्मी 'पपा ची खास रेसिपी. ह्यात मसाले इतकं काहीही जास्त वापरले जात नाही. पण चव मात्र स्वर्गीय.

• एक किलो चिकन असेल तर एक पूर्ण जुडी कोथिंबीर 7/ 8 पाने पुदिना ( हे नसले तरी चालतंय ) , 10 पाकळ्या लसूण , एक इंच आले , 20/ 22 काळीमिरी , तीन हिरव्या मिरच्या ह्यांचे वाटण करून घ्यावे.

• 2 मोठे कांदे बारीक चिरून ठेवावेत, बटाटे हवेत तितके.

• तेलावर प्रथम कांदे तळावेत.

• कांदे थोडे चोकोलेटी रंगाचे तळले गेले कि खमंग वास येतो ह्यावर अर्धा चमचा मीठ टाकून चिकन आणि बटाटयाचे तुकडे टाकून परतावे.

• पाच मिनिट्स नि ह्यात वरील वाटण आणि ढवळावे आणि झाकण ठेवून त्यावर पाणी टाकून शिजून द्यावे.

• पंधरा मिनिट्स नि झाकण काढून त्यावरील पाणी आत टाकावे आणि शेवटी थोडे पाणी टाकून पुन्हा झाकण ठेवून पाच मिनिट शिजवावे. चवीनुसार मीठ टाकावे.

• यात एक लिंबू चा रस पिळून मिसळावा.

• शिजले कि त्यात वरून थोडी चिरलेली कोथिंबीर टाकून गरम गरम भात किंवा भाकरी बरोबर वाढावे.